أخبار فن.مصر

انشر و شارك من خلال

انشر و شارك

إبحث في فن.مصر

الأربعاء, 23 آب/أغسطس - 2017
فن.مصر - الإصدار الأول

مبدئياً خلينا نتفق إن بداية كل حاجة صعبة ... إيه ده، إيه البداية التراجيدية دي؟

مش عارف بصراحة بس جوه دماغي حاجات كتير مختلطة يمكن عشان داخل منطقة مش مريحة بالنسبة لي زمان، فكرة إني أعمل موقع عربي فني بالكامل يحمل إسم نطاق بالعربي (فن.مصر) مكنتش حاجة واردة علي بالي يمكن من شهرين ثلاثة، التجربة خطيرة بالنسبة لي و فكرة إني أستثمر وقت و فلوس و مجهود في حاجة جايز تكون إتعملت قبل كده بشكل ما و أعيد تقديمها للناس في وقت زي ده هو شئ مش ساهل خالص، المنافسة كبيرة و من كل إتجاه!

خليني أكون صريح معاك عزيزي القارئ، أنا نفسي يكون في مصر موقع فني محترم يقدم أخبار فنية مصرية و عالمية و يحاول يجود العلاقة بين المبدع و المشاهد بحيث إن الفن اللي يتقدم مستواه يتحسن أكثر و يبقي أفضل من الوقت الحالي و لما الفن يبقي أفضل .. أكيد حاجات كثير حتبقي أفضل

ده كلام كبير .. صح؟

للأسف أه و تحقيقه صعب مش سهل خالص .. القصة إن تنفيذ ده محتاج حاجات كثير، محتاج إن فن.مصر يكبر بسرعة، يتعرف، يتشهر، يبقي له جمهور و يبقي له صوت عالي عند المبدعين و الفنانين و بالتالي نقدر نشتغل كلنا مع بعض عشان نكسب كلنا .. المشاهد يكسب فن يفيده و يبسطه، المُبدع يكسب مكان يدعم فنه و يقدمه بشكل محترم بدون الدخول في حسابات الصراعات و الصحافة الصفراء و كل الحاجات السلبية اللي ممكن توقف مسيرة إبداع الفنان و إحنا كفن.مصر يهمنا ننجح طبعاً

طب حنعمل إيه؟

فن.مصر حيقدم لك كل اللي يقدر يعمله .. ده الوعد اللي ينفع يتقال دلوقتي و حنحاول ننجح بيكم و ليكم


خطة فن.مصر في رمضان

عندنا فيه حاجات غير مكتملة، بنشتغل عليها حالياً حتي يكون المحتوي الرمضاني شبه مكتمل، التركيز حيكون علي مسلسلات رمضان و أفلام العيد المصرية بما إن مفيش أفلام أجنبي بتصدر في دور العرض المصرية في الأعياد و بعد كده حنعلن عن حاجات تانية .. تابعونا :)

إدارة فن.مصر
كريم البواب